正所谓：「玩都要认真玩！」 如果一个月前我话会同 FHProductionHK 嘅肥豪出合唱歌，估计大家都会拗爆头 但呢个世界真系有无限嘅可能！ 今次真系畀肥豪同孔德朗嘅诚意（其实系吉士多啲）打动，但系诚意还诚意，话晒都系出歌，点都要有返咁上下水准先可以出街，咁嘅情况我梗系要揾舒老板出手啦！超级唔该晒～ 舒文 大家唔好以为我平时斯斯文文，我玩起上嚟都唔casual㗎～ 可能有人觉得呢次合作系「玩票性质」，但事实上肥豪超！认！真！我觉得佢完全体现咗将压力变成推动力嘅精神！系感动嘅～ 其实每个人心里面都有个难以跨越嘅心魔，会不停同自己讲唔得，但呢次肥豪证明咗只要全力以赴去试，其实系得架！我讲过㗎嘛，你比你想像中嘅自己更加强大！ 无论系歌手、Youtuber，定系咩行业都好，大家多啲鼓励、推动，先可以实现更多意想不到嘅目标。 至于我嘅短期目标，当然系想肥豪同我唱Live啦！大家帮吓忙，狂loop我哋嘅MV，过百万views肥豪就会现场开金口㗎啦！