Hierdie liedjieskrywer van die platteland maak egter mettertyd die besluit om sy paadjie na sukses alleen te loop. Hy stel in 2004 sy debuut solo album, “Teen die Berg,” bekend, en vestig homself verder in die musiekmark met die opvolg CD, “16 Songs.” In 2008 kom Gerhard met “Breekbaar” te vore, ‘n album waarop hy al die liedjies self geskryf het. Die snit “Baby Tjoklits” word amper oornag ‘n groot gunsteling en sy populariteit skiet die hoogte in. Die treffer wen ‘n Vonk Toekenning vir Liedjie van die Jaar, en die album ‘n prys vir Kontemporêre Album in die mansafdeling.